غەریب مابووم لەو تارانێ
فرمێسکم دێن وەک بارانێ
کوشتەی تۆم عالەم دەیزانێ
ئای غەریبم دەرکێم لێ وەکە
ئای میوانم ئەوشۆ جێگەم کە
ئای میوانم بۆ خۆم ڕێگەم کە
عەقل و دین دەرچوو لە دەستم
موبتەلای دوو چاوی مەستم
ئەو غونچە و من گوڵپەرستم
دیسان شەو هات بۆ حاڵی من
لەیلێ بانگ کەن ناو سەرینم
با دەرچێ گیانی شیرینم
غەریبەکەم لەو دەرکی تۆ
ئەمن بەندە و یەخسیری تۆم
ئەوا مردم بۆم بکەن لاوە