شاییە زەماوەندە
د. عابد سیڕاجەدینی
فۆلکلۆر
حوسێن عەلی مەلاح
ئۆرکسترای بچوکی ڕادیۆی تاران
1961
2:22
فایلی دەنگ
داگرتن

ماین بە ڕەختۆ بێ، کچ بە لەرزانە
ژن سەروێن لەسەر بێ، کوڕ بەجامانە
جوانە قژ کاڵە لەرزانە، لەچك و فەقیانە
شادییە زەماوەندە، خەنەبەندانە
ڕەشبەڵەك گیراوە، سێ چێن لەو بانە
کوردەژن لەنجەت بێ، کوڕ بێ سەرپەنجە
چۆپێکیش بە لەنگەر، کچگەل بە لەنجە
جوانە زۆر جوانە لەرزانە، بەزمی کوردانە
شادییە زەماوەندە، خەنەبەندانە
ڕەشبەڵەك گیراوە، سێ چین لەو بانە
نەیچی پەنجە شلکە، زۆڕناژەن لێدە
دەهۆڵ کوت گرمەت بێ، دەی دەنگی پێدە
جوانە زۆر جوانە لەرزانە، بەزمی کوردانە
شادییە زەماوەندە، خەنەبەندانە
ڕەشبەڵەك گیراوە، سێ چێن لەو بانە