گیانە وەنەوشەو چنوور لەگەڵ گوڵ
سەودای دیدەنی تۆیان کەوتە دڵ
چنوور بۆ زولفت حاڵی پەشێوە
وەنەوشە خەیاڵ خاڵی لای ئێوە
گوڵ کە نازکی گۆنای تۆی دیوە
چقڵی خۆی لە ژێر پێ هەڵچەقیوە
هاتنەلام وتیان: تۆ رابەرمان بە
بمانبە لای دۆست، تاجی سەرمان بە
ئەوا هەرسێکم بەستن بە دەستە
هێنامنە خزمەت وەجەستەی خەستە
هەریەک نەوعێ مەرامی پێتە
بۆ نیازی خۆی خاکی بەرپێتە
تۆ پایە بەرزی شای شیرین ئەندام
با لە سایەتا بگەن بە مەرام
**********
قەرار بوو بێی لەگەڵ خۆت شادی بێنی
نەهاتی گەرچی پێت دابووم بەڵێنی
لە ناو کوردا نەبوو پەیمان شکاندن
لە کوێ فێربووی گوڵم پەیمان شکێنی