لە گەرووتانا ڕەشەبای سلەیمانین
لەسەر سینگتان ،تاشە بەردی ئاگری داغین
لە چاوتانا، شاڵاوی بابەگوڕگوڕین
لە دڵتانا، سەهۆڵ بەندانی سابڵاخین
لێتان ، لێتان نابینەوە ..
وەک چۆن هەڵۆ ، لە نێچیری نابێتەوە
وەک چۆن تۆڕ، لە ماسی نابێتەوە ..
وەک چۆن ئاگر لە کاو و پووش، نابێتەوە ..
کاوە لە چارەنووسی ئەژدەهاک
گۆڕ لە مردوو
لافاو لە هێزی ڕاماڵین،
سەرکەوتنمان ، لە هەندرێن نابێتەوە
لێتان ، لێتان نابینەوە ..